Home - Pakistan - حکومت ہوش کے ناخن لے عوام مہنگائی کے سونامی میں ڈوب رہے ہیں، بلاول زرداری

حکومت ہوش کے ناخن لے عوام مہنگائی کے سونامی میں ڈوب رہے ہیں، بلاول زرداری

کراچی: چیئرمین پیپلزپارٹی بلاول بھٹو زرداری نے کہا ہے کہ حکومت ہوش کے ناخن لے، حکومت عوام کی مدد کے بجائے ان کا معاشی قتل کررہی ہے، عوام مہنگائی کے سونامی میں ڈوب رہے ہیں۔کراچی میں میڈیا سے بات کرتے ہوئے بلاول بھٹو زرداری نے کہا کہ 3 وفاقی وزرا کے کالعدم تنظیموں سے رابطے ہیں اور ان وزرا کی مخصوص کالعدم تنظیموں کے لیے ویڈیوز وائرل ہوئی ہیں جب کہ ایک وزیر کالعدم تنظیم سے کہتا ہے جب تک ہماری حکومت ہے آپ کیخلاف کارروائی نہیں کریں گے، ان وزرا کی کابینہ میں شمولیت پر ہم کہیں گے ہمیں حکومت کی نیت پر شک ہے، اس قسم کے لوگوں کو نئے پاکستان کی کابینہ میں نہیں ہونا چاہیے۔بلاول بھٹو زرداری نے کہا کہ کالعدم تنظیموں کے خلاف کارروائی اپوزیشن جماعتوں کا مطالبہ ہے،حکومت ہوش کے ناخن لے اور نیشنل ایکشن پلان پر پوری طرح عمل کرے۔ حکومت کی طرف سے بچگانہ بیانات آرہے ہیں، وفاقی وزرا کے بیانات افسوسناک اور شرمناک ہیں، حکومت کو پہلے انسان پھر حکمران بننا چاہیے۔چیئرمین پیپلزپارٹی نے کہا کہ سوال اٹھانے والوں پر تنقید کرنا مودی پالیسی ہے اور یہ پالیسی پی ٹی آئی حکومت چلا رہی ہے، تنقید کرنے والوں کو ملک دشمن قرار دے دیا جاتا ہے ہم نے پہلے بھی غیر جمہوری سازشوں کو ناکام بنایا ، آج بھی بنائیں گے۔بلاول بھٹو کا مزید کہنا تھا کہ ہم جعلی اور جھوٹی جے آئی ٹی کو نہیں مانتے، عدالت نیمیں نام نکالنے کا کہا لیکن معلوم نہیں اب تک نام کیوں نہیں نکالا گیا جب کہ کالا باغ ڈیم کے کیس کو راولپنڈی منتقل کرناغیرجمہوری اور غلط ہے۔

About asas

Check Also

مغربی کنارے میں اسرائیلی فوج کی جارحیت میں 3 فلسطینی نوجوان شہید

راملہ: مقبوضہ فلسطین کے علاقے مغربی کنارے میں اسرائیلی فوج نے فائرنگ کر کے 3 …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے