Home - World - بنگلہ دیش کا بھارت سے اپنے حصے کا پانی فراہم کرنیکا مطالبہ

بنگلہ دیش کا بھارت سے اپنے حصے کا پانی فراہم کرنیکا مطالبہ

نئی دہلی: بنگلہ دیش نے بھارت سے مشترکہ نہروں کا پانی طے شدہ معاہدے کے تحت تقسیم کرنے کا مطالبہ کیا ہے۔بین الاقوامی خبر رساں ادارے کے مطابق بنگلہ دیش اور بھارت کے وزرائے خارجہ کے درمیان جے سی سی (Joint Consultative Commission)کا پانچواں اجلاس نئی دہلی میں ہوا۔بنگلہ دیش کے وزیر خارجہ ڈاکٹرعبدالمومن نے اپنی بھارتی ہم منصب سشما سوراج سے پانی کی تقسیم سے متعلق معاہدے پر تحفظات کے خاتمے پر زور دیتے ہوئے کہا کہ یہ تنازع اب حل ہوجانا چاہیے تاکہ بنگلہ دیش کو مشترکہ نہروں سے اپنے حصے کا مقررہ پانی مل سکے۔جس پر بھارتی وزیر خارجہ سشما سوراج نے فریقین کے درمیان ٹیسٹا معاہدہ برائے تقسیم آب پر عمل درآمد کی یقین دہانی کراتے ہوئے کہا کہ وہ تنازع کے حل کے لیے مثبت پیشرفت پر تندہی سے کام کر رہی ہیں۔بعد ازاں دونوں وزرا کے درمیان ملازمین کی ماہرانہ تربیت، طب اور معیشت سے متعلق پروجیکٹس کے 4 یاداشتوں پر دستخط کیے گئے۔ بنگلہ دیش کے وزیر خارجہ 21 رکنی وفد کے ہمراہ آج نئی دہلی سے ڈھاکا پہنچ جائیں گے۔

 

About asas

Check Also

بھارتی چیف جسٹس پر سپریم کورٹ کی سابق ملازم کا جنسی ہراسانی الزام

نئی دلی: بھارتی چیف جسٹس رانجن گوگوئی کے خلاف سابق جونیئر کورٹ اسسٹنٹ نے جنسی …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے