Home - Pakistan - قبائلی اضلاع میں اختیارات،گورنر اوروزیراعلی کے درمیان کوئی جنگ نہیں، ترجمان کے پی حکومت

قبائلی اضلاع میں اختیارات،گورنر اوروزیراعلی کے درمیان کوئی جنگ نہیں، ترجمان کے پی حکومت

پشاور: خیبرپختونخوا حکومت کے ترجمان اجمل وزیر نے کہا ہے کہ قبائلی اضلاع میں اختیارات کے حوالے سے گورنر اوروزیراعلی کے درمیان کوئی جنگ نہیں ہے۔وزیراعلی ہاس میں پریس کانفرنس کرتے ہوئے اجمل خان نے کہا کہ عمران خان وہ پہلے وزیراعظم ہیں جنہوں نے غلام خان چیک پوسٹ کا دورہ کیاجب کہ وزیراعلی محمود خان نے طورخم سمیت کئی قبائلی اضلاع کے دورے کیے اور اب صوبائی وزراسے بھی چھ ماہ کا شیڈول مانگ لیاگیاہے تاکہ ہفتے میں پانچ دن کوئی نہ کوئی وزیر کسی نہ کسی قبائلی ضلع میں رہا کرے ۔ترجمان نے کہا کہ وزیراعلی کی زیر صدارت اجلاس میں قبائلی اضلاع کے ضلعی ہیڈکوارٹر اسپتالوں کو ایک ماہ کے اندر فعال کرنے کی ہدایات جاری کی گئی ہیں جس کے لیے ڈاکٹروں کی کنٹریکٹ اور ایڈہاک بنیادوں پر بھرتی کی جائے گی اور یہی صورت حال تعلیم کے شعبے کے حوالے سے بھی ہوگی ۔اجمل خان نے مزید کہا کہ قبائلی نوجوانوں کو ایک ارب روپے کے قرضوں کا اجراجلد کیاجائے گا جب کہ قوانین کی وہاں توسیع آرڈیننس کے ذریعے کی جائے گی جس کے لیے تیاری جاری ہے کیونکہ اس وقت قبائلی اضلاع میں ایف سی آر کے خاتمے کے بعد قوانین موجود نہیں ہیں ۔

About asas

Check Also

مغربی کنارے میں اسرائیلی فوج کی جارحیت میں 3 فلسطینی نوجوان شہید

راملہ: مقبوضہ فلسطین کے علاقے مغربی کنارے میں اسرائیلی فوج نے فائرنگ کر کے 3 …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے